Berez
- Ikusi al duk hori?
- Bai, kolpe latza eman ziok!
- Esan nian nik ona aterako zuala.
- Isil hadi! Nik esan nian hori. Ez al duk gogoratzen niri botatzen zidala pilota kabroiak, zakur ziztrin bat banintz gisan haren atzetik joateko?
- Ez al zitzaian gustatzen?
- Pilota jasotzea, bai, berez bai.
- Nola berez?
- Hiri gustatzen al zaik Anoetara joatea emazteak oparitutako sarrerekin?
- Beti Erreala, badakik.
- Eta gustatzen al zaik Anoetara joatea emazteak oparitutako sarrerekin, jakinda hire zaunkez ordu batzuez libratzeko egiten diala?
- ...
- Gustatzen zaik?
- Anoetara joatea, bai.
- Berez bai?
- Zakurra haiz.
- Hi ere bai.
Iruzkinak
orhiko sorgina 2011-05-04 22:36 #1
<p>Ederra da mundua zakarrontzira botatzeko gogua duzun hoietan, gogoz irri iteko aukera izatia. </p>
<p>Bereziki irri egiteko arrazoia, zakarrontzira bota nahi duzun mundu horren zati baten bertze ikuspegi bat baldin bada.</p>
<p> </p>
Utzi iruzkina: