Kultura astea eta patinaje ikastaroa

Zubietako eskola txikiak aurten ere kultura astea antolatu du eta ekaineko lehen astean izango da.

Astelehenetik, ekainak 1, ostiralera bitartean denetarik egongo da: musika, pailazoak, ipuin kontalariak, txokolatada, puzgarriak...

Larunbaterako, berriz, iaz egin bezala, in-line patinaje ikastaroa antolatu dute: 9etatik 11etara hastapen ikastaroa izango da eta 11:30etik 13:30era hobekuntza ikastaroa (aurrez ere ibilita daudenentzako). Gogoan izan, ez ahaztu patinak, babesak eta kaskoa.

Animatu eta parte hartu.