Autokonpostajeari buruzko hitzadia asteartean, Sutegin

Usurbil Atez Ate

Etxeko materia organikoa ongarri nola bihurtu izango da hitzaldiaren ardatza

Hizlaria Albert Piqué kataluniarra izango da. Piquék urteak daramatza autokonpostatzearen esparruan lanean eta San Markoseko Mankomunitatearen eskutik dator Euskal Herrira ikastaroak ematera. Bidaia aprobetxatuz, udalak antolatuta, hitzaldia emango du Usurbilen, asteartean, Sutegi Kultur Etxean arratsaldeko 19:00etan. Hitzaldia herritar guztiei zuzenduta badago ere, bereziki aprobetxagarria izan liteke landa eremuan bizi direnentzat eta lorategi edo baratze txikia dutenentzat. Piquék etxean nola autokonpostatu behar den, honen garrantzia, lortutako ongarria zertan erabili, eta zuhaitz, landare eta baratzetan nola eragin azalduko du.