ZURETZAKO,BIHOTZETIK

Zurekin amestu dut
Eta badakit zergatik,
Azkenekoz ikusi zintudanetik
Denbora gutxi pasa den arren
Faltan botatzen zaitut jadanik

Gertu baina aldi berean urruti
Sentitzen naiz zugandik;
Zurekin nagoenean,
Minutu bat bera ere galdu ez nahirik
Irribarrea kendu barik hitz egiten dizut,
Ez al zara konturatu oraindik?

Uste dut zu ezagutuz geroztik
Ez dela igaro zugan pentsatu ez dudan egunik
Nolabait nire pentsamendua eta zu
Zaudete loturik

Ez dut zure sentimenduen berririk,
Eta horiek direnak izanik
Ez dut zuganako sentitzen dudana
Aldatzeko asmorik

Ametsetan,
Guztiaz ahazturik,
Ametsaren ametsera eramaten nauzu,
Horregatik,
Ez dut egunsenti goiztiarrak ni esnatzerik nahi
Irudimenean bada ere,
Baitzaitut zoraturik

Adinaren muga
Hortxe dugu zutunik,
Halere jakin nere partetik
Bihotzaren ateak dituzula guztiz zabalik

Begiratzen zaitut
Gertu gertutik,
Eta zu konturatu barik
Gozatzen zaitut begietatik
Momentu eder bat zurekin
Noiz etorriko zain nagoelarik

Aurrerantzean,
Ez daukat zutaz gozatu besterik,
Ez egun tristerik,
Ez negar malkorik,
Zure presentziarekin mozkortzea soilik

Begira hau idatzi dizut
Bihotz bihotzetik,
Izango al duzu inoiz
Hau irakurtzeko betarik?
Nik behintzat ez dut galduko
Honen gaineko esperantzarik.
Bizitzak jarrai dezala,
Jarraitu behar duen bidetik
Baina jakin ezazu zinez hemendik
Etzaitudala utziko sekula bakarrik