GARAIAK GARAITUZ

Denborak ahaztarazten duela,
Benetako egia
Iraganetik utzi edo gorde nahi dena,
Sentimendua,guztia.
Bizitzen ari zaren momentua
Beti sutsua,bizia
Atzean utzitakoan berriz
Usteltzen da hazia.

Gehiegi maite izan dut,
Jasotakoa maiz urria,
Ezinezkoa dena ezinezkoa denez
Sufritu izan dut,maitia.
Ulertu dut baina,
Denak du bere aldia,
Baina bukatzerik nahi ez denean
Erloju salataria.

Batetik zu,bestetik hura
Izango nintzateke eguzkia
Denbora batez bada ere
Goxatzeko denak nire argiaz.
Iraganean nahiz orainean,
Denak zarete atzo gaueko euria
Zuek denak batean jasota,
Ibai ondoko putzu zoragarria

Zinetenak,zaretenak eta izango zaretenak
Hain maitagarriak
Zuekin pasatakoak
denak izugarriak
Onak edo txarrak,
Zaharrak edo berriak
Inoiz ez ahazteko iragarriak

Momentu batzuk gelditu nahiko nituzke,
Ireki bihotz lotsatia,
Dudan guztia ematea
Merezi duzuen saria.
Orain zu nire buruan,
Eta ez dut nahiko astia
Eman nahi dizudana emateko
Beharko nuke izan etengabeko ur emaria
Eta izan ez naizenez,
Eskeintzen dizut irria,
Ikusten zaitudan bakoitzean
Ezkutatu ezinezko erakutsia