Zuatzuko errepide berria

Urteetan zain egon eta gero, laster hasiko dira Zumarraga eta Antzuola bitarteko errepide berria egiteko lanak. Denok dakigu beharrezkoa dela eta atzerapenarekin datorrela, baina, aldi berean, tristura pixkat ere ematen du. Hondeamakina handiak sartuko dira eta Gipuzkoako beste bailara bat hondatuko dute ongizatearen izenean, azkeneko urteetako joerari jarraituz. Okerrena da, bailara horren ondoren gehiago etorriko direla (AHT...). Badirudi ez duela bukaerarik.

Oso urte gutxitan gure aiton-amonek ere ezagutuko ez luketen lurraldea  bilakatu dugu Gipuzkoa: etxeak direla, errepideak direla, trenbideak direla, zabortegiak direla... Ez al da zoramena?

Zumarragatik Antzuolara doan errepide berria Zuatzu bailaratik egingo dute. Horrela deitu izan zaio oraintsu arte Deskargako bideari. Halabeharrez, eraikuntzarekin batera, baso puska ederrak eta antzinako eraikuntzen arrastoak desagertuko dira. Horien artean,  XVI. mendeko agirietan aipatzen den Areizabalaga baserriaren  aztarnak.

Kostu handia dauka, gero, bilatzen dugun "bizi-kalitateak".

Onar­tzea Gipuzkoako Foru Aldundiaren eta Bidegi Gipuzkoako Azpiegituren Agen­tzia SA sozietatearen arteko hitzar­mena, GI-632 errepidearen Zumarraga ekialdeko lotunetik Urre­txu-Legazpiko lotunerainoko zatiko saihesbidea egiteko proiektua (1-V-12/2001-A) gauza­tzeko eta GI-632 errepideko 8,000 k.p.an gasolindegia egin eta ondoren ustia­tzeko. Ikus GAO 2007-05-09

Onar­tzea Gipuzkoako Foru Aldundiaren eta Bidegi Gipuzkoako Azpiegituren Agen­tzia SA sozietatearen arteko hitzar­mena, 2004ko ekainaren 29an sinatutako hitzar­men orokorrean Bidegi SA enpresak egin beharreko inber­tsioen zerrendan GI-632 errepidearen Beasain-Bergara saihesbidea osa­tzeko falta den Zumarraga-Bergara zatia egitea sar­tzeko. Ikus GAO 2007-05-09