Ikastola Eguneko bertsoak

Ekainaren 9an Haztegi Ikastolako jaia ospatu da. Hainbat ekitaldi izan dira egunean zehar: dantza saioak, Euskaraokea, jolasak, puzgarriak, bazkaria eta abar.  

Agurreko bertsoak ere izan dira. Hona hemen DBH1eko ikasleek, Aitor Campos Etxaleku, Amaia Madinabeitia eta Maitane Agirrezabalek hain zuzen ere, botatako bertsoak.

Aitor Gurrutxaga

Egun seinalatua
daukagu hementxe
lukainka, sagardoa
ona eta merke
ezin jungo zerate
beste ezerren eske
gurekin ospatzera
etorri zaitezte

Izena eta izana
Haztegi Ikastola
Legazpi indartzeko
hau da gure ola
Egialde, Kalea,
Aizkorri, Mantxola,
euskara izan bedi
guztion farola.

Urtea amaitu da
kostata dexente
lana egin baitugu
guk nahikoa fuerte
pozik gaude ordea
gurasoak beste
oporrak zain ditugu
gozatu gaitezke.

Doinua: Maritxu nora zoaz

ZingiZangoren OHARRA: Ekitaldi honetako argazkirik baduzue bidali eta argitaratuko dugu: legazpikoweb@gmail.com