Meditaziorako asanak

Namaste.

Gaurkoan meditaziorako erabili ditzakegun asanarik ohikoenak azalduko ditugu.

Meditazioan jarduteko bizkarrezurra tente mantentzea oso garrantzitsua da eta denbora batez mantendu behar garenez geldirik, erabiliko dugun asana bizkarrezurra tente mantentzen baimenduko diguna izango da eta gure hankek molestatuko ez digutena. Pertsona batzuei hobeto etortzen zaie bat edo bestea, flexibilitatearen edo praktikaren arabera.

5 asana esplikatuko ditugu: 

1- AULKIAN ESERIASANA: ;-) 

Jarrera honek ez du benetan asana izenik, baina, beste asanak deserosoak gertatzen zaizkionarentzat egokia da.

Aulki normal batean eserita, iskioi hezurrak aulkian bermatuta, bizkarra tente, belaunak tolestuta 90 gradutara, oinak lurrean, eskuak belaun edo izterretan (nahi izanez gero eskuekin mudra bat egiten).

2- SUKHASANA:

Asana erraza esan nahi du. Indioen erara lurrean eserita litzateke. 

Lurrean eserita, iskioi hezurrak lurrean bermatuta, bizkarrezurra tente, hankak gurutzatuta orkatilen parean, eskuak belaun edo izter gainetan (nahi izanez gero eskuekin mudra bat egiten).

Jarrera hau errazteko, bizkarrezurra tente errazago jartzeko, kojin edo alturatxo baten gainean eseri gaitezke (kojinaren ertzean eseri).

3- VJRASANA

Heroearen asana. Zure belaunen arabera erraza edo zaila izango da.

Belauniko jarriko gara esterillaren gainean, orpoetan eserita. Bizkarra tente eta eskuak izter gainetan (nahi izanez gero eskuekin mudrea bat egiten).

Jarrera hau errazteko kojin bat jarri dezakegu, orpoetan zuzenean eseri beharrean kojinaren gainean egoteko.

4- SIDDHASANA

Eserita ezker orpoa perineoan kokatu eta eskubikoa bestearen gainean, hezur pubikoaren aurka geldituko da.

Bizkarra tente eskuak belaun edo izter gainetan (nahi izanez gero eskuekin mudra bat egiten).

Jalandhara bandha ere praktikatu daiteke honekin batera. 

Jarrera hau errazteko kojinaren edo alturatxo baten gainean eseri gaitezke (ertzean eserita).

5- PADMASANA:

Lotoaren asana. Meditazioko jarrerarik ezagunena. Flexibilitate haundia behar dugu belaun eta orkatiletan asana hau erosotasunez praktikatzeko, baina era berean, praktikatzen badugu lortuko dugu flexibilitatea.

Lurrean eserita jarriko gara. Ezkerreko belauna tolestu eta oina eskubiko izterrera eramango dugu, oinazpia goruntz jarrita. Ondoren eskubiko belauna tolestu eta oina ezkerreko izterrera eraman, beste oina dagoen bezala jarriz. 

Jarrera hau errazteko Padmasana erdia egin dezakegu. Lehenbizi hanka batekin egin bakarrik eta ondoren bestearekin, flexibilitatea irabazteko.

Praktika on!

Om shanti shanti shanti