Larunbateko saioan, Beteranoak finalera

Larunbatean Aldirin jokatu zen hirugarren eta azken kanporaketa.

 

Bertan Beteranoak (Iker Otegi, Juanjo Aranburu, Joseba Segurola), Akolitoak (Ander Gabirondo, Jorge Andueza, Mikel Aranburu), Debutariak (Gaizka Oiartzabal, Mikel Babuskin Soria, Beñat Idiakez) eta Bioladores del bertso (Gorka Quevedo, Josu Aztiria, Iban Altuna) taldeak lehiatu ziren eta saioa oso bizia eta txispa handikoa izan zen hasieratik bukaerara.

 

Aldirikoa beti izan da kanporaketa umoretsuena agian, eta aurten ere hala izan da, kalitateak nabarmen gora egiteaz gain.

 

Beteranoak izan ziren nagusi, baina puntuaketa oso estu baten ondoren.

 

Bukaerararte ez zen batere garbi ikusi txartela eurek lortuko zutenik.