Giro paregabea Herriko Bertsolari txapelketako lehen kanporaketan

Urretxu Zumarragako Bertso Eskola | 2006-03-06 10:08

Iragan larunbatean jarri zen abian aurtengo Martxoan bertsoa, bertsolaritza sustatu eta bultzatu asmoz Zumarraga-Urretxuko bertso eskolak laugarren aldiz antolatu duen ziklo kulturala.

Herriko bertsolari txapelketako lehenengo kanporaketak eman zion hasiera zikloari, eta urtero gertatzen den bezala, arrakasta erabatekoa izan zen.

Motz taberna leporaino beteta zegoen saioa hasi baino ordu erdi lehenago eta bertsolariek haseratik gozatu zuten entzuleek emandako babesa eta berotasuna.

Beroa izan zen, era berean, saioko beste protagonista, taberna jendez leporaino beterik egoteak merkurioa zerura igo baitzuen lanek aurrera egin ahala.

Lau talde lehiatu ziren larunbateko saioan. Antton Fernandez, Uxue Fernandez eta Eli Lasak osaturiko Lasatarrak, Iñaki Larrañaga, Eugenio Gisasola “Lutxurdio” eta Aitor Zabaletak osaturiko Trikitilariak, Iker Soraluze, Asier Murua eta Aitor Lizarazu “Ginz”-ek osaturiko Galaktikoak eta Iguntze Aseginolaza, Ekain Aseginolaza eta Itziar Pildainek osaturiko Pitxitxiak taldeak.

Bertsoen maila eta kalitatea asko hobetu da herriko bertsolari txapelketa ospatu zen lehenengo urtearekin alderatuz, eta larunbateko saioa horren adibide izan zen, aste honetako saioetan izango dugunaren aurrekari izateaz gain.

Akats oso gutxi izan ziren saioan zehar eta bertsoak kantatzeko orduan partaideek arintasuna izan zuten ezaugarri nagusi. Azkenean, lehia estuaren ondoren, Lasatarrek lortu zuten martxoaren 31an Gaztelekun jokatuko den finalerako txartela. Antton eta Uxuek lan oso txukuna burutu zuten eta Eli Lasa debutariak txunditurik utzi zituen entzuleak bere kantakera garbi, fin eta zuzenarekin.

Datsegit

Gorka Santesteban 2006-03-06 12:06 #1

Oso ondo joan zen, aupa pitxixiak eta trikitilariak. 
Gora berstso eskola !

Josu 2006-03-06 12:12 #2

Ezin izan nuen saioa ikusi, baina kriston maila egon omen zan. Akojonatzen hasi naiz...

Bisitaria 2006-03-06 14:10 #3

Nola has litteke bildurtzen astebetean urte osoan beste batzuk egiten duten lanaren bikoitza egiten duen bat? Ui, ui, ui, ....

Niri berriz beldurra Zestoarrak ematen dit... 2006-03-06 16:02 #4

2006-03-06 17:55 #5

Animo Josu! Lasai-lasai kantatuz gero Motzeko saioko maila gaindituko dezue eta!

Esteban Sangorka 2006-03-06 17:57 #6

Oso ondo joan zen, aupa lasatarrak eta galaktikoak.
Gora berstso eskola !

imanol mendizabal 2006-03-07 15:49 #7

Aztiria, Quevedo eta Iban entrenatzen entzun ditut, eta Egañak berak sinatuko lituzkeen aleak bota zituzten. Martxoan Bertsoan mugarri bat ezarriko dutelakoan nago. Ummmmmmmm

eeeeeee 2006-03-08 17:00 #8

Ikusiko degu afarian zeinek egiten dion soborno handiena epaimahaiari...

Violadores del Bertso taldeko kidea 2006-03-08 17:08 #9

Sobornoa behar duenak, bere buruarengan konfiantza gutxi duelako da.

kontuz! 2006-03-09 08:53 #10

gaijartzailea soborno kontuez enteratzen bada, ez soborno ta ez ezer, kristoren putakeriren bat egingo dizue