Ibon Gabilondo, triatleta onena
Joan den ostegunean, abenduak 20, Elgoibarko kirolari onenen sariak banatu zituen Kirol Patronatuak. Futbol hezkuntzari buruzko mahai-inguru interesgarri baten ostean, Elgoibarko hainbat kirolariri omenalditxoa egin zitzaien. Triatloian, Ibon Gabilondori eman zaio aurten garaikurra.
Urgazi Triatloi Taldean bozketa egin genuen eta nabarmen gailendu zen Ibon. Besteak beste, 2007ko duatloi-triatloi denboraldiko proba asko egin ditu Ibonek, emaitzetan oso erregularra izan da eta Zarauzko triatloi handian 25. postua lortu du.
Hauek dira 2007an lortutako postuak, duatloi-triatloietan:
| Proba | Postua |
| Oñatiko duatloia | 21 |
| Arrigorriagako duatloia | 13 |
| Eibarko duatloia | 14 |
| Mimizango triatloia | 18 |
| Zarauzko triatloia | 25 |
| Lekeitioko triatloia | 20 |
| Zumaiako triatloia | 7 |
Triatloian buru-belarri aritzeaz gain, errepidean nahiz mendian, lasterketa askotan ere hartu du parte Ibonek, eta herriko ia lasterketa guztietan ere izan da: Karakateko igoeran, San Migeleko igoeran, Nahaste Borrasten, etab.
Horregatik guztiagatik, zorionak eta eutsi goiari!
Lotutako berriak: http://www.elgoibarren.net/content/view/642/1/
Iruzkinak
ibon gabilondo 2007-12-24 13:32 #1
<P>Nire partetik Urgaziko taldekide guztieri eskerrak ematea sari honengatik. Datorren urterako pilak kargatu garai hauetan eta ea datorren urtean Urgazi taldea gorago eramaten dugun denon artean.</P>
<P>Milesker,</P>
<P>Ibon Gabilondo</P>
Utzi iruzkina: