Arrateko igoera

Joan den igandean, irailak 13, Simon Aldazabalen omenezko lasterketa izan zen Arrate gainean, Eibarren. 57 gizonezkok eta 2 emakumezkok egin zuten korrika, herrigunetik Arrate gainera, 6 kilometroko ibilbide piko eta gogorra. Walter Becerra izan zen berriro ere garaile, 26:18 denbora harrigarrian helmugaratuta. Nesketan Nerea Amilibia aiarra nagusitu zen (32:06). Elgoibartik Jon Revert eta Ander Barrenetxea izan ziren (Goiatzi eskerrak jakin dugu Anderren berri, mila esker!). Jon 6. postuan helmugaratu zen; Ander, berriz, 13. postuan.