Uliako Lorebaratzak Wikiproiektua

Uliako Lore-Baratzak parkean altxorra dugu landare eta zuhaitzetan. Donostiako lorategi guztietarako landareak hemendik ateratzen ziren aspaldian, eta orduko lorezainek ondo zaintzen zuten mintegi hau. Begi aurrean dugun altxor hau hobeto ezagutzeko parkean dauden landare eta zuhaitz bitxi guztientzako artikuluak euskaraz sortu nahi ditugu Wikipedian. Lehenengo urrats bat egin dugu bide horretan: Lorebaratzak wikiproiektua  sortu dugu Euskal Wikipedian. Wikizalea zara? Landareak eta zuhaitzak maite dituzu? Lagundu artikulu sorta hori sortzen, mesedez.

Uliako Lorebaratzak parkeko zuhaitz-inbentarioko pantaila-argazki bat.

 

Honezkero sortuta daukagu parkeko mapa interaktibo bat, mapako landare batean klik eginez gero bere deskribapen labur bat erakusten da. Astirik baduzu aproba egin hemen: Uliako Lorebaratzak parkeko zuhaitz-inbentarioa

Informazio zehatzagorik lortzeko begiratu albiste hau: Uliako mintegietako zuhaitzen mapa

Uliako Lorebaratzak parkeko QR bat Wikipediako “Ezpel arrunt”eko artikulura daramana. QRpedia erabili da QRa lortzeko, Donostia2016 taldeko laguntzarekin.

Laster landare bakoitzaren alboan QRpediako plakak jarri nahi ditugu. Horrela bisitariak bere hizkuntzako wikipedian ikusi ahal izango du landarearen izena eta deskribapena. Zelako aukera! Hau da hau asmakizuna!

Lagunduko diguzu, mesedez? Ezetz artikulu guzti horiek euskaraz sortu edo txukundu urte berrirako! Edo gutxienez… udaberrirako, parkea bere ederrean bete-betean egongo denerako.

Itzultzeko edo txukuntzeko artikuluen zerrenda