Ospakizuna

Bihotzak abisatu egiten du lehertu aurretik

bazekien

hala ere sari bi irabazi zituen

12.000€ guztira.

Eta ospatzeko  gurasoak gonbidatu zituen

eta emaztea gero

neba-arrebekin ere joan zen

Eta senitartekoak:

lehengusu eta lehengusinak eraman zituen

Lankideekin primeran ibili zen

Eta txikitako lagunekin bikain

Literatur taldea osatzen zuten kideak etorri ziren

Eta aitortzen du pasatu egin zela

drogekin beharbada

Eta beharbada horregatik zegoela han

Artxandako Santa Maria ospitalean

bihotzak abisatu ziolako lehertu aurretik

Eta bat-batean ondoeza sartu zitzaion eta erizaina deitu zuen

Puta bat nahi dut

Oihukatu zion

Eta zergatik ez bi

Erantzun zion erizainak.

Bihotza lehertu aurretik idazleari irribarrea atera zitzaion.

Emaztea eta seme-alabak gelan sartu zirenean

horrela aurkitu zuten

Irribarrea ahoan.

                                                Lodinowsky