MIKROANDOSILLOAK 49

(Askatasuna)

471- Askatasuna zapatako lokarrietan hasten da galtzen.

472- Ostadarraren azpian bizi da askatasuna.

473- Mugak behar ditugu askatasuna lortzeko.

474- Askatasuna duzue esklabo izaten jarraitzeko.

475- Ez da behar hormarik askatasuna preso mantentzeko.

476- Askatasuna da tiranogaien berbarik erabiliena.

477- Askatasuna debekuz inguratutako irlatxoa da.

478- Erlijio-askatasuna kontzeptuari oximoron hatsa dario.

479- Askatasunak jabeak ditu, eta morroiak.

480- Euliek ere ez dute sinesten lanak askatasuna dakarrela.

                                                                                                          Vittu Cherigan