koipeilustre

Hara zer dioskun Labayru Hiztegiak koipelustre berbaren gainean:

1 adj  adulador -a. Koipelustre ederra agertu da gaur. ~ lausengari, losintxari

2 adj. pesado -da, cargante, molesto -ta. Zagoz isilik behingoz koipelustreori!

~ gogaikarri, koipezto

 Denok izan dugu lagunen artean koipelustreren bat. Zenbat komeria horrelakoei ihes egiteko! Bada, gaur aurkezten dugun ezberbak koipelustre mota bat erretratatzen du: sasijakintsua, bere burua orojakintsutzat duena. Entzutekoa da haien berba-jario amaigabea! Beste ezberba bat asmatu beharko genuke haien berritsukeria definitzeko, uholde, elurrolde eta abarroldeen irudira: hitzolde. Beste modu batean esanda: goranzko intelektuala.

 Haientzat guztientzat gaurko ezberba:

 KOIPEILUSTRE: pedante gogaikarria, jakituria neurri eta ganora barik morokiltzen duena, enteratuena bera dela agerrarazteko.

 Gaur ere Berrian agertu da Erramun Gerrikagoitia koipeilustre horren beste gutun bat.