Efemerideak

Gaur bezalako egun batean

Hirugarren Mundu Gerrako garezur lurperatua aurkitu zuten 

ozono-geruzaren begirada kimikoa zerien homo zaborriensisen momia batzuek

eta mundua salbatzeko inolako intentziorik gabe

suizidioaren larbak erein zituzten amesgaiztoen barrunbeetan herdoildutako bihotzetan

hain sakon,

ze mikroskopio boteretsuenak ere

espeleologoen amiantozko desirak bezain antzuak ziren irtenbidea aurkitzeko

eta orain hemen gaude ezerezaren galaxiakumeok

leizeetan trikuharriak eraikitzen

marmol zoriontsua izan nahi duten malkozko estalaktitak gara

amaierarik gabeko gatibutzaren lekuko.

Ron Sniakin