Bada etorkizunik

Kalerik gabeko eremuetan, badute herriek txokorik.

Etxe-orratzik zutitzen ez den hareazko espazioetan, bada amets egiterik.

Sekula zubirik eraiki ez den ibai lehortuetan, bada nabigatzerik.

Merkataritza-gunea zer den ez dakitenentzat, bada bizitza kolorez janzterik.

Hormarik gabeko lurraldeetan, bada elkarrengana hurbiltzerik.

Dirua Jaungoiko ahalguztidun bihurtu ez duen gizakiarentzat, badago zerurik.

Hurkoaren miserien eta tristuren aitzinean, itsu, gor, eta mutu bihurtu ez denarentzat, bada udaberririk,

Haizearen, eta hondarraren seme-alabentzat, bada etorkizunik.