Oroitzapen hoberenak gertatu ez diren gauzak direnean...

Oroitzapen hoberenak gertatu ez diren gauzak direnean, zerbait oker doa. Batenbatek esana da oroitzapenak ametsak baino gehiago direnean zahartzen ari garenaren seinale dela. Ez zitzaion arrazoirik falta baina Ugartek zahartzen hasia zela eta motxilan ametsak besterik ez zeramatzala sentitzen hasia zen.
Bizitzaren motorra arrixkatzea zela pentsatzen hasia zen eta berak, motor hori, betidanik itzalia izan zuela iruditzen zitzaion. Orainarte ez zen hontaz konturatu baina egia zen, benetan garrantzitsuak ziren gauzekin segurtasunean babestu zen beti eta beldurra izan zen babes horretan izan zuen lagunik minena. Beldurra; bere bizian zehar konstante bat izan zen beldurra; erortzeko beldurra, gaizki erortzeko beldurra, hiltzeko beldurra, arrixkatu eta galtzen ateratzeko beldurra, maitatu eta maitatua ez izatearen beldurra, bakarrik geratzearen beldurra… Bazen garaia jarrera aldatzeko, arrixkatzen hasteko. Arrixkatzen ez duenak ezer gutxi lortzen du, beldurra izatea delako beldurra ematen diguten gauzek jan gaitzaten eman beharreko lehen urratsa.