Kantua burutik ezin atera

Aste honetan, lan batzuk direla medio, kantu bat dabilkit buruan bueltaka etengabe. Harrigarria bada ere, talde honen makina bat abesti ezagutzen nituen nahiz eta beraien diskarik etxean ez izan. Horrelako gauzak gertatzen dira horrelako taldeekin, handiegiak egiten dira eta dagoeneko ez daukazu beraien lanik izan beharrik diskografia erdia ezagutzeko. Zalantzazko ohore hau talde gutxik dute (Roliñak adibidez) eta gaur hizpide dudan hau irlandarra dugu: U2.

Esan bezala ez nuen kantu honen berri eta halako batean, bewaterri esker ezagutu nuen bere blog zaharrean sartu nintzen batean. Egun hartan kantuaz gain bere bideoklipa eskeini zigun eta egia esan, bideoklipa kantua baino handiagoa dugu oraindik. Egun pare bat beranduago lapurreta egin nion”a punta de ratón” eta nire blogean jarri nuen. Zalantza gutxirekin esan dezaket nire bizitzan zehar (ez da luzeegia) ikusi dudan klipik hobenetako bat dena eta nire gorputzean eragin duen oilo-ipurdia bezalakorik ez dudala gogoratzen (musikara mugaturik noski).

Ez zait errepikatzea gustatzen baina askota errepikatzen naiz beraz gaur izorratu egingo zarete. Gaurkoan, berriz ere kantu berbera eskaintzen dizuet zuen gozamenerako. Alde batetik, U2rena eta bestetik, youtubeko artabururu batzuek egindako bertsioa,  Ileak zerura begira…