SOS "Gure Irratia"

   Gure Irratia 20 urtez Iparraldean igortzen ari den komunikazio taldea da. Datu aipagarri bezala, Euskal Herrian lehenengo irratia izan zen euskara hutsean igortzen. Bertako langile baten hitzaldia izan dugu HUHEZIn eta esan digu irrati honen egoera krisi batetik pasatzen ari dela. Hainbat arazo dituzte eta hori gutxi balitz, beren estudioak birritan erre zaizkie.

   Guztiok dakigu Iparraldean euskararen egoera kezkagarria dela eta horrek irrati honi eragingo diola. Frantziako komunikazio taldeen eta gobernuaren laguntza eskasa da eta iturri gutxi dituzte bertako gaurkotasunaz berri emateko. Lehen bait lehen jarriko dira martxan berriro eta blog honek etapa berri honetan sortea opa die.