Erregistro mistoa

Aurrekoan aipatu genuenez, Euskarazko albistegietarako eskuliburua II lanean, erregistro misto terminoa erabili zuen egileak, Asier Larrinagak, ozen irakurriak izateko testuez diharduela. Honela dio:

Idatzizko erregistroak bezala, erregistro mistoak ezaugarri hauek ditu.

• Pentsatzeko astia dagoenez, testua planifikatu eta informazioa ondo antolatzen da.
• Testua berrikusteko aukera dagoenez, okerrak eta akatsak zuzendu egiten dira.

Ahozko erregistroak bezala, erregistro mistoak ezaugarri hauek ditu.

• Ideia-pilaketa saihesten da, eta oro har perpaus bakoitzean ideia bakarra jartzen da.
• Sintaxi bihurri, hanpatu eta korapilatsua baztertu egiten da.