Gaia: Pailazo bat zara

Pailazoena nire ustetan
ez da bape lan makala
umeekin barre, gora ta behera
ezin zara izan epela.
Xabi bera da, tipo egokia
portaera du itzela,
arpi gorria, balantzadaka
zapatuetan bezala.
                            Dani

Pailazo batzuk omen garela
dabil esaten Enbeita,
Porrotx ta Pirritx eta Takolo
gara kuadrilla polita.
Grazia egiten dit, ta esango dizut,
belarria gertu artista,
bertso maisua zeu zarelako
Txirri eta ez Txirrita.
                            Dani

Takolo, Pirritx ta Porrotx gara

pailazoen elitea

umetxoeri irri bat sortu

hori gure egitea

ta bide batzez ama gazteak

a zer nolako flirtea

Porrotx salduta ama batekin

egin beharko trukea

pailazo gara baina hortarako

geuk be badogu artea (bis).

 Alex

Bertsolariek gu imitatzen

gaituzte sarri ta errez

bertsoa ere modu bat baita

barrea sortzeko berez

lurretik ere inoiz badabiz

gabe erdian tatarrez

jende aurrean kantatzen dabe

nahiko itxura xelebres

pailazoek baino pailazokeri

gehiago egiten dabez!(bis).

 Alex