Letxukale Visitor’s Center

nairobitarzaleak 1456151749136 Nairobitarra | 2007-11-19 18:16

Erraza da gaur egun edozein herrialderi buruzko informazioa jasotzea, interneteko bilatzaile horietako batean behar duzun izena idatzi, “bilatu” sakatu eta hop!  Hortxe dago, zure eskura , behar adina testu eta irudi, edozein bidaia prestatzeko, edo, beharrean, merke amesteko.

Duela zenbait urte, ordea, gauzak ez ziren horrela, ez. Hala ere, internetik ez zegoen garaian, bidaizaleok Letxukale Visitor’s Center zuten (genuen) eskura. Tamanrasseterako gogoa? Letxukale. Hotzaren bila Eskandinabia aldera, edo eta Alaskara? Letxukale. Trekkina Nepalen? Australiako basamortua? HegoAmerikari zeharkaldia? Europako Ipar eskiko triptikoa? Letxukalen ia denetariko informazioa topa zeneukazun. Planik ezean, gogoa bai? Bale, lasai: bertakoak ziur bazutela ideia bereziren bat, eta konpartitzeko prest, gainera. Halaxe zen Letxukale. Eta, neurri apalagoan, hala jarraitzen du, ezta? Interneten ez da dena topatzen.

Bainan bisitariak ez ziren bidai luzeak prestatzera bakarrik joaten. Letxukale denetarik izan da. Gaztetxe berezi baten antzekoa. Berezia, zeren farra gutxi egin ohi da haren inguruan (barre bai, ordea). Alkoholaren ordez, infusioak. Ametsetako, mapak eta atlasak, besterik gabe. Nora goaz asteburuan? Osteguneroko bilera, planak egiterako... zenbat gau etxetik kanpo! Diru gutxi, noski: gasolinaz bete depositoa, makarroiak edo arroza jateko... Merke ta ona! Horren ondorioz sortu zen Bide Berriak, “bidai agentzia alternatiboa”... nahiz eta izenarekin ez asmatu: Nairobitarra izan dira jendearen artean. Hala ere, Nairobitarraz aparte beste ibilgailu ere izan dira: gordini, pegasoa, kommerra, zientobeintisietea, zekintzea

Beraz, Letxukale hutsik gelditzen da asteburuan... Bai zera! Bertako giltzak kopia asko zituen Tolosaldean banatuta... Letxukalen ligatu, gutxi... baina ligatu eta Letxukalen bukatu, badaude kontatzekoak...

Batzuetan “hogar de acogida” horietako baten antza ere izan du, gau bat pasatzera etorri eta ia,ia etxetik bota beharrean

Kirola ala bidai? Kirola eta bidaia, noski. Nahiz eta  noizbehinka entrenamendu zentroa bihurtu ere (a, ze rodillo saio egin dira Letxukalen!) kirola merke bidaiatzeko era bat ere izan da betidanik: gasolinaren ordez, makarroiak eta izerdia.

Asteburuetako planak ere hazi egiten dira (Vueltaespaña eta Turra tropeleko lagunak bisitatzera), eta luzeagoak sortu ere: basamortua, Europako ipar eski triptikoa, Lekunberritik Mediterranioraino eta Nilo piraguaz, Laponia eta Groenlandiako eskiz, Nordkapp bizikletaz, Italiako sumendiak, +/- 50, Hiru pauso, Pangea... Antartida noizko ;-)?

Amets fabrika Letxukale, betetzen diren horietakoak. Orduzkero ez diogu ametsari uzten, oraindik bete egiten zaizkigu eta ;-)

Ikedure!


Leave a Comment: