Mugarik gabeko kazetaritza

Kazetaritza historiak kontatzeko sortua izan zen. Hala ere, gaur egun, kameraz eta mikrofonoz kontatu ezin daitezkeen gerra eta zergati asko daude. Gerra kazetariak ahalik eta gerra gehienen lekuko izaten saiatzen dira. Herria, etxea, erredakzioa, etab. uzten dute errealitate latza salatzeko, egia gordetzen duen isiltasuna apurtzeko.

Gerra kazetari batek ez du ohiko kazetari baten jarduna betetzen. Gatazka batean izatea berriemaile batek izan dezakeen helbururik gorenenetarikoa da. Bertara ez dira arazoen irtenbideak aurkitzera joaten; baizik eta gizakiaren alderrik maltzurrena salatzeko irudi eta edukien bila. Ondorioz, ezinbesteko egitekoa dute informazio prozesu batean. Munduaren alderik ankerrenetan lekuko bat izateak, ikara mugatzen du. Mugarik gabe zitalkeriak ikaragarrizkoak izango lirateke.

Kazetaritzak gertakizunen lekuko zuzen izateko aukera eskaintzen du. Hala ere, badaude gizaki bati atzera egitea eragiten dizkioten zenbait faktore. Gatazka batean egoteak bizitzarekin dantzan aritzea dakar. Kazetariak zailduak diren topikoa ez da betetzen. Izan ere, beti dago lur jota uzten zaituen gertakizun menderagaitzen bat. Horren aurrean har daitekeen erabikirik hoberena lurraldea uztea da. Baina badaude munduak eskaintzen dizkigun zikoizkeriengandik sentiberatasunik erakusten ez duten pertsonak ere. Bide horrek ez dakar arrakasta. Gertakizunen kontaketetatik atarramendua atera nahi duenak ezinbestekoa du zekenkeriengatik hunkitzea.

Biktimekin kazetaritza egitea gaizkileekin egitea baino errazagoa da. Azken finean, denok izan dugu jazoera hunkigarriren bat. Ondorioz, gaizkileekin bat egiteko erraztasun gehiago dugu. Gaizkileekin nola edo hala elkarrizketa bat lortu ahal izateko berriz, ezinbestekoa da aktore lanak egitea. Egindako ahalegin guztiaren emaitza beti ere subjektiboa da. Horiek horrela, erreportariaren ikuspegiak errealitatearen antzekotasunik handiena izateko, kazetariak zintzotasunez jokatzen du. Zoritxarrez, badaude gezurrezko gertakizunak asmatzen dituzten berriemaileak ere. Gerra guztietan dago trukatutako informazioa.

Erreliatea guk uste baino latzagoa da. Hedabideen bitartez ezin da hildakoek igortzen duten kiratsa transmititu. Ezta heriotzaren hain ondoan egotearen sentipena ere. Hori guztia gutxi balitz, telebista aurrean izaten garenok gutxieneko irudiak ikusten ditugu. Ez da beharrezkoa izaten bizitzaren alde krudela osoki erakustea.

Ordu mugarik ez duten langileen lana ezinbestekoa zaigu gaur egungo gizartean. Ezin da ukatu benetako profesionalak direla; eztabaidaezina da ohikoa ez den kemena dutela. Batzuk kamara bizkarrean eta hitza ahoan zutela hil ziren maite zuten ogibidea egiteagatik; besteoi munduaren ikuspegi beltza erakusteko saiakeragatik.