Biharamuna ordenagailuaren aurrean

Etxeko lan berria jaso dut ihauteriak behar bezala amaitzeko, 5 blog ikusi eta eurei buruz idaztea, alegia. Eta horri ekin diot, agian, atzo gauen erandako San Miguel horiek ez dute soilik mozkortzeko balio izango; agian beste perspektiba bat emango dit. Arratsaldean, beraz, biharamuna pasatzeko ordenagailua hartu dut, eta blogak “kuxkuxeatzen” jardun dut. Asko ikusi eta gero, 5 aukeratu ditut. Hauek dira aukeratu ditudan 5ak (asko, oso ezberdinak ez badira ere, bere xarma gordetzen dutelako):

Lehenak, euskarazko, ingelesezko, nahiz gaztelaniazko testu eta poesia ezagunak azaltzen ditu, euren gogoetak ere maiz azaltzen dira; pentsamenduak eta ideiak azaltzen dituen blog-a da. Blogaren goiko aldean ongi azaltzen duten bezala,  Donostialdeko gazte literaturzaleen blog bohemio, paristar, idealista, erromantiko, fantasioso eta eroak dira, eta hori guztia erakusten dute. Bigarrenak, berriz, liburuen kritika egiten du. Bere iritzia azaltzen du, gaztelaniaz zein euskaraz idatziriko literaturari buruz; nire ustez, modu egokian azaltzen du bere ikuspuntua. Hirugarren bat ere aukeratu dut. Honek kantei irikitzen die bidea, inoiz ikusi ez ditugun bezala ikusteko auekra emten digu, kantatu gabe, oraindik gutxi badaude ere, ikusteko modukoa da. Laugarrena, agian pixka bat ezberdina da, baina zalantza izpirik gabe, gehien gustatu zaidana da, bertsoak idazten baitituzte, eta baita egungo berriei buruz ere. Bertsolaritza asko gustatzen zaidalako izango da agian, edo bertsolaritza modu ezberdin batean ikustea (entzutea) ohituta nagoelako agian, baina bertsolaritza teknologia berrietan murgiltzeko modu ezin hobea iruditu zait.

Eta azkeneko blogean, berriz, bostgarrenean, Urruzuno lehiaketako irabazleek hartzen dute parte, hain zuzen ere, 2007ko urtean sarituak izan zirenak. Idazle finak direnez, ederrak dira euren idatziak, eta beraz, euren idatziak erakusteko modu egokia iruditzen zait; hala ere, bloga ez da soilik Urruzuno lehiaketako sarituen idatziekin bakarrik osatzen, idatzi ezagunak ere zabaltzen dituzte, erakusten dituzte.

Blogen mundu honetan murgiltzeko aukera paregabea da lehenik sarean dabiltzan blogak ikustea, jakiteko nondik eutsi, nola azaldu. Blogen bilaketa hau modu ezin hobea izan da biharamuna pasatzeko, ziur nago ohean hobeto egongo nintzakeela, baina tira, gauean izango dut beta horretarako ere.

http://donostialdetik.blogspot.com/

http://irakurketatailerra.mundua.com/

http://jonminer.mundua.com/

http://bertsokatea.mundua.com/

http://www.blogak.com/urruzuno07