Lehenengo klasearen ostekoak
Kaixo guztioi, egun on. Zer moduz harrera planaren ondorengo lehenengo klase-eguna? Informazioa mordoa jaso zenuten atzoko eskolan. Trankil, hala ere: ez daukazue dena bat-batean barneratu beharrik. Badakizue Mudle plataforman eskegitako bost dokumentuetan atzo aipaturiko kontuei buruzko informazio guztia daukazuela, zabal azalduta.
Badakizue, halaber, bihar ez dugula gure ikasgaiaren eskolarik izango (16:30ean hasiko dituzue bihar klaseak), Mondragon Unibertsitateak ikasturte-hasierako ekitaldia daukala-eta. Ez dugu, beraz, astelehenera arte elkar ikusiko. Gogoan izan ordurako egin beharrekoak (ordubete lan bakoitzerako):
- Taldeak egin (33 lagun zarete guztira; beraz, zeuek erabaki talde bakoitzeko kopuruak --7 talde 4 kidekoak, beste bat 3koa eta azkena 2koa?--, baina guztira 9 talde izan behar dira) eta talde bakoitzari gai bat esleitu.
- Talde-lanaren lehenengo eskema egin (Big 6 Skills-en pausoak jarraitzen badituzue, hainbat hobe).
- Lan-koadernoari ekin
- Hurrengo klaserako informazioa bilatu (masa gizartearen sorreratik Interneten jaiotzara ikus-entzunezko hedabideetan izaniko aldaketa teknologiko nagusiak)
Gainerakoan, zalantzarik bai atzo azaldutakoen inguruan? Hemen idatz ditzakezue zuen galderak, eta gustura erantzungo ditut.
Ondo segi eta laster arte
Iruzkinak
Asier Rekalde 2009-09-23 13:08 #1
<p>Kaixo Aitor:</p>
<p>Zalantza bat daukat, ordutegi ez presentzialetan, 4 egun azaltzen zaizkigu. Aldiz, asteak 5 egun ditu, zein egun da agertzen ez dena?</p>
<p>Astelehena edo Ostirala?</p>
Aitor 2009-09-29 10:56 #2
Kaixo Asier. Ez, hor azaltzen direnak ez dira egunak (4 egun), orduak baizik: astean 4 ordu ez-presentzial bete behar dituzu ikasgai bakoitzean, eta irakasleoi 4 ordu horietarako lanak programatzea dagokigu. Beste zalantzaren bat bazenu, galdetu lasai hemen bertan edo biharko eskolan, bale? Ondo segi<br />
Utzi iruzkina: