Egunkariaren aldeko bertso sorta
SORTA ENTZUN!
DOINUA: Oskorriren "Forjariaren kanta"
Orain bost urte etorri ziren
Guardia Zibilak gurera
eta eraman Egunkariko
langileak espetxera.
Herri oso bat mobilizatu
eta irten zen kalera
esanez ozen, beldurrik gabe
EGUNKARIA AURRERA!
Tortura eta basakeria
hori da demokrazia
Egunkariak ikusi zuen
otsoaren justizia
zoritxarrean ohituta gaude
ta heldu zen sententzia:
Euskaldunak izateagatik
zigorra eta desgrazia.
EGUNKARIA aurrera libre...
Egunkari bat herri oso bat
egun batetik bestera
olatu handi ta gaizto batek
nahi zituen urpera
Urak ez dira etorri eta
oraindik bere onera,
elkar gaitezen ta goazen denok
Gogoan dugu Egunkaria
Eskuan berriz Berria
Batzuei emango diegu
disgustu ikaragarria
Egun batean agertuko da
espero dugun orria
Euskara libre ta betirako
tinta gorriaz jarria
EGUNKARIA aurrera libre...
Maiteminduta naukazu orain
hau sentimentu larria.
Beste batzuk probatuta dauzkat
baina zu xarmangarria.
Egunero noa zure bila,
sentitu nahi dut herria.
Nola biziko naiz zu gabe
nire bihotza BERRIA.
EGUNKARIA aurrera libre...
Hurbil zaitezte denok
ta egin borobila
igual sobratuko zen
patata tortila
txalo joko diogu
ta eman muxu pila
non da irabazlea?
hurbildu dadila
Festa bukatu eta
ezer ez da berdin
hemen gauden guztiok
gogotsu eragin
badugu hemen lana
ta nahiko zeregin
konpromisoa hartu
ta aurrera egin
AGURAINGO BERTSO-ESKOLA
Helduen taldea
Iruzkinak
Burdinbako forjaria 2008-04-18 00:00 #1
<P>Zenbat gauza irakasten dizkigun internetek... </P>
<P>Forjarien kanta 1911ko Eibarko greba batean sortu omen zela irakurri dut. Sorta herrikoia da, gurea bezala.
Akaso gu bezala arituko ziren langile txoro haiek, lana egin beharrean bertsoak egiten... ta uste dut merezi duela blogeak jartzeak... GORA MAIATZAK 1!!!</P>
<P><BR>EIBARKO FORJARIEN KANTA<BR><BR>Gaur forjariak lana utzita <BR>gatoz gustiok kalera, <BR>labeak oso itzaldurikan <BR>jaikera bat egitera, <BR>maillu, burdin ta gaiñerakoak <BR>botarikan bazterrera; <BR>ez degu nai guk berriko sartu <BR>leengo tokira lanera.<BR><BR>Dinbili danba! goiz eta gabe, <BR>su eta keian tartean, <BR>sosegu eta deskantsu gabe <BR>gure buruen kaltean; <BR>orregatikan lanak utzita <BR>gatoz guztiok batean.<BR><BR>Gora ta gora beti, gora forjaria! <BR>langille trebe zintzo da maillukaria. <BR>Lurpera ta lurpera beti nagusia! <BR>ez digute egingo eurak nai guzia. <BR>Ez badigu ematen arrazoia guri, <BR>ez badigu ematen bear aiña ogi, <BR>sua emango diogu gure fabrikari <BR>eta nagusiaren etxe guziari.<BR><BR>Iru babarrun jatiagatik <BR>orrenbeste neke, pena; <BR>erdi auldua arkitutzen da <BR>forjariaren barrena. <BR>Gure kontura egin oi dute <BR>nagusiak nai dutena, <BR>langilleen bizkarretik gizendu <BR>dute beren poltsa dena.<BR><BR>Oso goizetik lanian asi <BR>su eta keian tartian, <BR>dinbi ta danba! gelditu gabe <BR>guztiz illundu artian, <BR>erropa denak puskatzen eta <BR>osasunaren kaltian. <BR><BR>Ez badigu guri jornalik aunditzen, <BR>berriko gu ez gera lanera biurtzen; <BR>arrazoiakin degu geiago eskatzen, <BR>iñorgandik ez gera gu ikaratutzen. <BR>Ez badigu ematen arrazoia guri, <BR>ez badigu ematen biar aiña ogi, <BR>sua emango diogu gure fabrikari <BR>eta nagusiaren etxe guziari. <BR><BR></P>
Utzi iruzkina: