Zenbaki lizunak.

---

Egun batzuetan ganorabako, bestetan traszendente eta zenbaitetan inpotente samar altxatzen da bat, adibidez bart hemen irakurritakoak burutik ezin uxatuta:

     -3.000.000.000 pertsona bizi da, nekez bizi, egunean euro bi baino gutxiagorekin.
     -Hauetatik 1.200.000.000 euro bat baino gutxiagorekin.
     -Hauen guztien %70 emakumeak dira.
     -800.000.000 pertsona daude gaizki (gutxi) elikatuta muduan.

 Horren ondorioz:

     -45.000 pertsona hiltzen dira egunero gosez,
1.875 pertsona orduro,
31 pertsona minuturo,
pertsona 1 bi segunduro, alegia.

      -Munduan ondoen bizi ziren %20ren eta okerren bizi ziren %20ren arteko aldea 30/1ekoa zen 1960an, 60/1ekoa 1990ean eta 80/1ekoa da gaur egun.

Horren ondorioz:

     -850.000.000 pertsonak (%75 emakumeak) ez dakite irakurtzen ez idazten,
     -325.000.000 ume eskolaratu gabe daude,
     -900.000.000 pertsonak ez daukate zerbitzu medikurik,
     -1.000.000.000 pertsonak ez daukate ur edangarririk,
     -2.400.000.000 pertsonak ez daukate estolderiarik.

 Bestalde:

     -400.000.000.000 dolar gastatzen da munduan drogetan,
     -1.000.000.000.000 ejerzitoetan,
     -1.000.000.000.000 publizitatean.

 

Mezu honetan 111 zero idatzi ditugu, 11 aldiz erabili dugu pertsona hitza,  3 bider emakume eta 2 aldiz ume. Zenbaki lizunak.