Pentsatzen jarrita...(XVII): Alarma, alarma!!

Pentsatzen jarrita... hotza neguan ez genuke albiste izan beharko; beroa udan beste-edo. Baina hor dituzu, hasieran alarma gorria albiste zelarik, orain alarma horia notizia. Eta laster, gu konturatzerako, alarma berdea izango da berri eta esango digute ez duela behar besteko hotzik egingo neguan. Eta udaren bihotzean ere alarma berdea, ez baita bero nahikorik izango.
Harik eta azkenean alarma horia piztuko den arte, edo gorria hobeto: Kontuz, negu honetan hotza espero da, tarteka elurra ere egin dezakeelarik. Kasu, udan beroa espero da, eta noizean behin sargoria.
Eta alarmatu egingo gara orduan, eta esan: -Ba zen garaia, a ze lasaitua hartu dudan alarmatu naizenean!