Ohar garrantzitsua
Atzo, Domusantu eguna, mezatara joan ez
zineten sinesgogor halakook ez duzue jakingo -ez baitzenituzten atzoko
irakurgaiak entzun, eta horregatik diotsuet, jakinaren gainean egon zaitezten-
Apokalipsia heltzen denean 144.000 pertsona baino ez direla salbatuko; beste
guztiak, sutara. Egin diren kalkulu
fidagarrienen arabera mundu petral honen historia guztian 106.456.367.669 pertsonak izan du bizitzeko
aukera; beraz, eta matematikek ez badidate –beti bezala- hutsegiten, inoiz izan
diren gizaki guztien ehuneko 0,0001 baino ez da salbatuko; beste guztiak,
sutara. Eta gure markagailuan kontuak honakoak dira:
| Salbatuko dira: | Ehun eta berrogeitalau mila. |
| Ez dira salbatuko: | Ehun eta sei mila laurehun eta berrogeita hamasei milioi berrehun eta hogeitahiru mila seiehun eta hirurogeitabederatzi. |
Eta esango duzue: Zertara dator gaurko mezu hau? Ba, tira, estimatzen zaituztedanez, eta badakidanez jakin ez zaretela oso-oso elizkoiak prezisamente, ba, abisatzearren, horretara dator ohar garrantzitsu hau; ez dezazuela gero esan: nik ez nekien, nik uste nuen... Ba, hori, gaur bertatik aurrera, zintzo-zintzo ahaleginak egin, gogotik, ea ehuneko zero-koma-zero-zero-zero-bat horretan sartzeko aukera irabazten dugun. Amen.
Iruzkinak
gari 2006-11-03 08:59 #1
<p>Kaixo,</p>
<p> </p>
<p>Mila alditan “eskerrak” emateko betarik ez dudanez, “mila esker” esan beharrean “eskerrikasko” esango dizut... Hamaika aldiz entzun ditut honelako nahasmenak (eta ez <em>prezisamente</em> “hamaika” alditan). Pentsatzen jarrita, ez dakit... otu zaizun lehenengo gaiaz hitz egiten hasi eta hanka hondoraino sartu duzun, edo nahita sartu duzun hanka, gai hau honela planteatuta komikoa geratu zitekeela pentsatuz. Baina egia da, apokalipsiaren liburuaz ezertxo ere ez dakien norbaitek literalki interpretatu dezakeela testua. Bibliako beste pasarte askorekin ere berdina gertatu ohi da batzuetan. Kezkatu zaituen zenbaki horretara laburbilduz (bestela luzeegi joko bailidake), jakin ezazu 144000 = 12 x 12000 dela. Zenbaki horrek, osotasuna eta ugaritasuna adierazten du. 12 zenbakiak Jainkoaren herri osoa sinbolizatzen du, garai batean hamabi leinuetan banatua (beraien pentsakeran). Hamabi apostoluekin, eta kristau filosofiaren arabera, Jainkoaren herri hori ez da hamabi leinu horietara (herri konkretu batetara) mugatzen, mundu guztira baizik. Beraz, argi dago, itxaropenezko mezu bat eman nahi dela. Eman duzun link-ean bertan, zenbakia aipatzen den tokian izartxo bat dago, bertan klik eginez gero hau gogorarazteko, oso oso despistatuta dabilenari... Gainera, testua irakurtzen jarraituz gero, honakoa ere ikusiko duzu: “Ondoren, gizatalde handi bat ikusi nuen, inork kontaezin ahalakoa; nazio, arraza, herri eta hizkuntza guztietako jendea zegoen ...”. Bada, garbi dago, 144000 zenbakiak ugaritasuna (Jainkoaren herria bere osotasunean) adierazten duela.</p>
<p> </p>
<p>Agur, eta ondo izan!</p>
Izaskun 2006-11-03 15:00 #2
Ez naiz, <em>prezisamente, </em>elizkoia, baina, horrelako kontuak ikaragarri interesgarriak iruditzen zaizkit. Segi horrela, segi! eta eskerrik asko bioi!<br />
Jozulin 2006-11-06 13:10 #3
<p><em>>>edo nahita sartu duzun hanka, gai hau
honela planteatuta komikoa geratu zitekeela pentsatuz.<<</em></p>
<p>Bai, Gari, umorearen bitartez agertu nahi nuen
salbazioaz hitz egitearen absurdua; kopuruez aritzea, are absurduago egiten du,
besterik ez. Hala ikusten dut nik, behintzat. </p>
<p>Eskerrik asko Gari eta Izaskun, irakurtzeagatik
eta are gehiago erantzun eta parte hartzeagatik.</p>
gari 2006-11-07 09:49 #4
<p>“Salbazioaz hitz egitearen absurdua” <em>salbazioa</em> <u>zeri esaten zaion jakin gabe</u> hau kritikatzea bada, ados nago. Eta, "kopuruez aritzeak, are absurduago egiten du", bai, nire ustez.</p>
satortzulo 2006-11-07 11:55 #5
apa!<br />
<br />
nere irakurketa beste bat da ba, <br />
salbaziorako aukera hain txikia izanik,<br />
eta kontuan izanik kasualitate handiegia litzakela<br />
niri tokatzea halakorik hain probabilitate txikia egonik,<br />
aprobetxa eta gozatu, eta ez egin elizari kasorik!!!<br />
Utzi iruzkina: