Internet erabiltzaileon boterea

Blogean idazten dudana nire ingurukoek irakurri eta bertan geratzen da normalean. Duela hilabete pasatxo idatzi nuen Enaitz Iriondori buruz eta azken egunotan erantzun pila jaso dut. Nondik iritsi dira?

Norbaitek irakurri eta foro batean idatzi zuen honi buruz. Foroan irakurri zuen batek, bere blogean idatzi zuen. Eta berak edo beste batek meneamera bidali, 1160 meneo zeuzkan hau idatzi dudanean.

Bideoen url-ak bidali zizkidaten e-postaz eta, ingurukoek errazago ikus zitzaten sartu nituen blogean. Ingurukoentzat.Baina beste batek gauza bera egin zuen, eta beste batek. Eta injustizia hau munduari bueltaka ari da mugimendu honi esker.

Nahiko nuke hau sekula gertatu izan ez balitz, salatu beharra egongo ez balitz, Enaitz bizirik balego. Baina horrela ez denez, hemendik, lerro xume batzuen bitartez, nire emozioa eta esker ona Enaitzen familiaren defentsan bere laguntza eman dutenei.


Eguneraketa (2007-VI-19):
Hauxe, Google Analytic-tik hartutako irudia. Bisita kopurua hamarkoiztera iritsi da.