justizia

Euskal Herriko Unibertsitatean euskarazko ikasleak gaztelaniazkoak baino eskubide gutxiago dituzte. Ez al duzue jakin? ba duela urte bi dira matrikula euskaraz egin eta niri esan zidatenean irakasgai batzuk gaztelaniaz izango nituela. Hasieran bizpahiru ziren, ondoren, irakasgaien aurkezpenetan enteratzen ginen erderaz izango zela irakasgaia: lehenego mailan 2, bigarren mailan erdia eta hirugarren mailatik aurrera dena erderaz. Ze ondo ez? bueno, egia esan beraiek esaten dute irakaslerik ez dagoelako prest irakasgai horiek emateko dela. Txarrena beste eskubide batzurena da; gaztelaniazko irakasgai baten praktikak euskeraz izan ziren, beraiekin diplomatxo bat lortu ahal zen azterketa gehigarri bat eginez. Praktiketan eman genuena klasean ere eman genuen baina erderaz. Erderazkoek azterketa egiteko eskubidea izan zuten eta diplomatxoa lortu zuten, guk aldiz ez, praktikak euskeraz izan zirelako. Ez genuen eduki aukerarik erderazkoekin batera azterketa egiteko, ez. Eta gero beraiei ikusi behar diplomatxoarekin poz-pozik. Diplomatxoak ez du balio ezertarako, baina zer? gu ere berdinak gara! eta gero beraiek euskararen alde hainbat gauza egiten dituztela diote... bueno, esan ziguten agian datorren urtean azterketa egiteko eskubidea izango dugula...
Beste gauza bat da gaztelaniakoak ematen diguten tratua: barre egiten dute galderaren bat egiten dugunean edo komentarioak "es que es de euskera" eta horrelakoak. Esaten dute euskerazko irakasgaiak beraienak baino errezagoak direla, baina gero irakasgai komunetan guk nota hobeagoak ateratzen ditugu! apunteak lapurtu... edozerk balio du nire fakultatean ez soilik gainditzeko baizik eta matrikula ateratzeko. Jendeak erreklamatu egiten ditu 9,3 notak, ez dute nahi euskarazkoekin lanak egin eta greba egunetan klasera etortzen dira, irakaslearen bulegora joaten dira eta klasea emateko eskatzen diote. Honela daude gauzak, ikasten kriston konpetentzia... lanean gaudenean ez dut nahi imajinatu zelan portako diren!