Zenbait hiztegi

Beatriz irakasleak interneten  zeuden hiztegiak  arakatzera eta hauetatik kurtsorako baliagarriak suertatuko zaizkigun hiru aukeratzera  bultzatu zigun, hauek izan dira nire aukerak:

 3000 Hiztegia: Oso baliagarria idazterakoan gaztelerazko hitz  bat  euskaraz nola  esaten den jakiteko eta alderantziz. Beti eskura  edukitzeko tresna oso gomendagarria.

 Sinonimoen hiztegia ( Adorez): Hiztegi honek euskarazko hitzen sinonimoak eskaintzen dizkigu, bereziki aproposa idazterako orduan behin eta berriro hitz berdina ez errepikatzeko. Aipatzekoa da sinonimoez aparte, hitzaren antonimoen zerrenda ere eskaintzen duela.

Euskal lokuzioak, Koldo Izaguirre: Guztiz aproposa idatzitako testuak aberasteko eta  bakoitzak dituen  hizkuntzaren ezagupenak zabaltzeko. Tresna oso eraginkorra eta besteak beste, gazteleraz edo frantsesez hitz bat sartuz gero, euskaraz   hitzarekin zerikusia duten lokuzioak eskaintzen ditu.