FIREFOX

Bada denbora Firefox interneteko nabigatzailea gure artera heldu zenetik. Esan beharra daukat haren berri izan nuenetik ez dudala besterik erabiltzen, hau da, ez dudala explorerra ordutik ukitu ere egin.

Abantaila ugari eskaintzen dizkigu Firefoxek, eta sarearen ohiko erabiltzaile den edonork jakin beharko luke bere baliabideak ustiatzen. Batez ere gure kasuan, euskaraz nabigatzeko aukera ere ematen bai du. Erabili Euskalbar nabigatzeko.

Bizkorra izateaz gain, txukuna ere ba da. Pop up-ak kontrolpean izateko egina dago eta etengabeko berrispen prozesuan dago. Eguneratze bat prest dagoen bakoitzean, mezu baten bidez  jakin haraziko digu prest dagoela instalazioa burutzeko. Baiezkoa eman eta sarea maneiatzeko dagoen nabigatzailerik berriena izango dugu geure ordenagailuan. Eragiketa hau egiterakoan, nabigatzailearen leihoa itxiko da, baina ez izan beldurrik, instalazioa amitu eta gero automatikoki ber abiaraziko da eta.

Bere beste erosotasunetariko bat zera da, leiho bakarrean horri bat baino gehiago zabaldu daitezkeela. Nabigatzailearen barran saguarekin klik egin, eta ondoren ctrl+t sakatzen badugu, bigarren horri batera joateko aukera ematen digu. Eta horrela nahi beste aldiz.

Egin klik goiko loturan eta deskargatu, dohainekoa da.