Daniel Innerarity filosofoak HUHEZIko fakultatean hitzaldi bat eman zuen 2008ko otsailaren 21ean

Bizi dugun mende honetan, komunikabide masiboak direla eta informazio gehiegikeria da nagusi. Baliozko eta baliogabeko informazioaren artean bereizteko zailtasunak, jendea despistatu eta gizartea lelotzea lortu du. Beste gauza batzuen artean, ignorantzia da gure arazorik larrienetariko bat, eta hala ere gero eta izaki konplexuagoak bihurtzen ari gara; horrenbeste gauza dakizkigu ezen ez garela gai informazioa behar den bezala prozesatzeko. Informazioaren erabiltzaile etzanak izatera heldu gara, jasotzen dugun informazio guztiak filtro batetik pasa beharra duela ahaztu dugularik.

Medioen erabilpenean, jolasen bitartez gure inguruko informazio guztia sinplifika dezakegu eta logikaren bitartez konturatu gabe ikasi. Beraz, testu-inguru desberdinetako sinbologia ezagutu eta interpretatzen jakitea oso lagungarria izan liteke.

Informazioaren sinplifikazioak esan nahi du, beti ere datu jakin batzuk gureganatzen lagunduko digun prozedura bat jarraitu beharra dagoela. Datu horiek modu egoki baten organizatu behar dira gero erabilgarriak izan daitezen. Azkenik, erabilgarria izan daitekeen informazioa filtratzen jakitea ezinbestekoa da.

Gure atentzioa modu egoki baten bideratzen ikasi beharra dugu gauza aipagarrienak beste guztietatik nabarmentzeko. Informazio gehiegikeria saihesteko, lagungarriak izan daitezkeen estrategia desberdinak daude:

-Informazioa ezereztu: erabilgarria izateari uzten dion informazio guztia ahazten jakitea gizakiaren inteligentziaren ezaugarri garrantzitsuenetariko bat da. Informazio berriak lekua izan dezan, nahitaezkoa da zaharkiturik gelditu dena deuseztatzea.

-Norbera bere kabuz pentsatzeko gai izatea: jakitunak izan eta kulturalki jantziak izatea nahi badugu umiltasunez jokatzea da egokiena. Inola ere ezin dugu pentsa dena dakigula zerbait ikasi nahi badugu.

-Kooperazioa: informazioa sinplifikatzeko baliabide indartsu bat da. Denbora eta lana aurreztuko diguten sistemak bilatu behar dira beti ere.

-Laburra izatea: informazioa lortutakoan, hau laburtu eta muinera heldu beharra dago, sintesia ez beste ezer, lortzeko.

Bestalde, lortutako informazioaren aurkako iritziek diotena ere kontutan izan beharra dago. Beraz, garrantzitsua da informazio iturri desberdinak izatea.

Daniel Innerarity