Umea-Jokkmokk
Gaurko eguna ere furgonetan bidaiatzen
egin dugu. Laponiako iparraldera joateko kilometro asko dago eta
egun osoa behar izan dugu. Umeatik Luleara 270 Km. eta hemendik
Jokkmokkera 170 Km.
Gosaldu ondoren, Umeako kaleetan buelta bat eman
dugu herria pixka bat ezagutzeko. Elurrez egindako gaztelu batean eskolako ume txikiak zeuden jolasean.
Beste kale nagusi batean hainbat artistaren elurrezko eskulturak daude. Zero azpiko tenperaturekin erraz mantentzen dira eta negu osoan daude ikusgai. Erdialdeko liburutegia ere ikusi dugu eta oso handia da. Sarrera, librea izaten da, eta interneteko konexioak ere doan dira.
Aterpetxera itzuli eta 10:00etan atera
gara Baltiko itsasoaren ertzetik doan errepidea jarraituz.
Itsasoa zati batzuetan izoztuta dago baina ez guztiz. Hotz handia
egiten duenean dena izozten da eta ferriak ibili ezin direnez autoek
izotz gainetik zeharkatzen dute itsasoa. Bidaian elurra egin du, batez ere Luleatik aurrera, eta bide guztia zurituta zegoenez mantso joan gara, 80Km./orduko abiaduran.
Jokkmokk herrira 16:00etan iritsi gara eta museoa orduan itxi dute. Jokkmokk Suediako Laponiaren hiriburua da eta samiei buruzko museoa dago han. Aterpetxea berehala aurkitu dugu eta bertan gelditu gara.
Iruzkinak
K2 2012-03-10 18:06 #1
Bigarren ekipoa osatuta? Zelan heldu dira? Argazki kuriosoak, leku interesgarriak. Zuek indarrez? Animatuta? <br />
eup 2012-03-10 23:36 #2
Aupa gaztiak (eta zaharra) , ALETIXAK Mantxesterren kriston partidua ein zaban eta afiziñua...insuperablia. Real zaliak inbiri galanta!!<br />
Utzi iruzkina: