AHT-ren AURKAKO EGUNA

goga 1456133294968 GOGA GAZTE ASANBLADA | 2010-02-09 20:32

2009ko ekainak 6ean, Ormaiztegin AHT-aren aurkako eguna ospatu zen Gabiri eta Ormaiztegiko Gazte Asanbladaren eskutik.

 

Egun honen helburu nagusia, bertako herritarrek egun aparta igarotzeaz gain, gure lurraldearen etorkizuna errotik eraldatuko duen makro-proiektu txikitzaile hau salatzea izan zen.

 

Gazte Asanbladaren nahietako bat, AHT-ak gure herrietan izango duen eragina azaltzea zen; izan ere, gaurko egunean ez baitago makroproiektu honen buruzko informazio gehiegirik.  Gure inguruan eraiki nahi duten proiektu txikitzaile hau gainera datorkigu, eta ez daukagu ekarriko dituen ondorio latzen berri . Horregatik, izan zen egun hau garrantzitsua, gaia herriarengana hurbiltzea lortu baitzen, edo hori zen behintzat helburua, euskal giro ederraz inguratuta.



 

Larunbat hartan herriko plazara inguratu ziren guztiek egun eder bat igaro ahal izan genuen egitarau borobil bat jarraituz.

 

Jai eta salaketa ospakizun honek siesta ordua amaitutakoan izan zuen hasiera herritik zehar egindako bando batez. Gaztetxoenek AHTaren aurkako mural bat margotzeaz gozatzen zuten bitartean, ez hain gazteek txoznaren irekierarekin batera, bertso eta kantuz alaituriko giroaz gozatzeko aukera izan zuten herriko plazan. murala2


 

Jarraian, 19:00etan, herriko gazteek, beraiek prestaturiko antzerkia eskaini zuten. Bertan, AHT proiektu inposatzailearen alde xelebreena erakutsi ziguten humorea gehituz, eta honela guztiongan algara sortzea lortu zuten.


antzerkie

 

Festa guztian zehar eskuragarri egon ziren abiadura handiko tren honen aurkako material ugari, plazan jarri zen postu txikian.

 

Arratsaldea amaitzen joan ahala, afari herrikoia ospatu zen. Bertan 80 lagunek antolatzaileek prestaturiko afari ederra dastatu ahal izan genuen, Katain eta Euzkitza trikitilariek alaituriko giroan. Afal ostean, Mere bakarlariaren eskutik kantu sorta ezberdinak entzun ahal izan genituen.


IMG_8952

 

  

   Jarraian, kontzertuak hasi ziren, lehenengoa herriko talde itzela izan zen, Herri Guda. Giroa berotzen hasia zenean, Sabotaje cerebral talde legazpiarrak jo zuen; azkenik, egun bikain hau amaitzeko, Abadiñoko Saxsexfull taldearen musikaz gozatu ahal izan genuen

 

Azkenik, esan beharra dago, herri mugimendua kriminalizatzen aritu zirenen gainetik, egun eder bat igaro genuela. Kartelak kentzea ez zen nahikoa izan egun paregabe hau ospatu ez zedin. Udaletxearen, herritarren eta parte hartu genuen gazteen lana nabarmendu nahi dugu, haiei esker izan baitzen posible egun hau ospatzea.


GOIERRIN AHTrik EZ!

 


Leave a Comment: