Igandeko Gorbeiapeko AKELARREA

130 lagun. Zigoitia aretoa lepo. Bertso sortetako erleak hara eta hona eztia biltzen... Aramaio odol eske. Kakiturri berde baino berdeago... Kolosala izango zela zioen batek eta halaxe izan zen. Gasteiztarrek langa goian jarri zieten Aramaioarrei. Baina gainetik salto egiteko gai izan ziren.

Irudi batek mila hitzek baino gehiago esaten omen du, eta puntu batuketak ere irakurri daitezke talde bakoitzaren irriparrean. Aramaiok 581,5 puntu, Kakiturri-Eharik 568,5.

Kakiturrik bigarren aukera izango du datorren igandean ARAIAKO ANDRA MARI Aretoan Aiaraldeko Altubepekoen kontra puntu gehiago metatzeko. ANIMO!

Ezin aipatu gabe utzi Bertso sorta kolektiboak.  Kanporaketetan egin duten bezala, giro ederra jarri zuten bat-bateko saioari ekin aurretik. Etxeko lanak txukun eginda taularatu ziren 3 taldeak. Gasteizko talde bi eta mendialdeko bat. Azkenean hiriburuko ALDAPAZALEAK mintzalagun taldeak lortu zuen finalerako txartela. ZORIONAK GUZTIOI!

Aldarrikapenak BERTSOAREN SALTSAN

ALDAPAZALEEN bertso-PERFOMANCEA

Gure hiriburua, Gasteiz-Vitoria,

a ze hiriburu arraroa

Euskal Herrikoa, edo Euskadikoa,

EAE edo auskalo nongoa

Maeztukoak mendian gora

HARITZAK ETA PAGOAK,

HAGINAK, GAZTAINONDOAK,

HARRIAK ETA LEZEAK DIRA,

HEMENGO TXOKOAK.

ZABALDUZ GURE HEGOAK,

GOITIK BEGIRA SOROAK,

ALDARRIKAPEN ZAKU BATEKIN,

GATOZ ARRANOAK. (BIS)