Kuturgintzaren gakoak

---

Aurrekoan esan nuen blogean oso gutxitan aipatu izan dudala euskarazko kulturgintza. Eta saiatuko naiz horri erantzuten. Artikulu batzuk ditut buruan horren gainean eta gaurkoan doa lehena.

Sorguneak egindako ikerketa batetik atera dira jarraian datozen hiru ondorioak. Euskarazko kulturgintzaren diagnosi azkarra da. Zeintzuk izan dira azken urteotan euskarazko produkzioaren gakoak?

- Euskara beregaina eta erdigunean izan den diziplinetan egin du aurrera euskarazko kulturak (adibide moduan jartzen dute eurek bertsogintza, eta kontrako adibide moduan antzerkigintza).

Argazkia: Benito

- Norberaren sormena gakoa denean, eta produkzio azpiegitura handirik behar ez den diziplinetan, askoz gehiago produzitu da: literaturan eta musikan. Azpiegitura handiak behar dituztenetan (zinema, antzerkia, ikus-entzunezkoak) urrats motzagoak eman dira. Inbertsio handia eskatzen duten diziplinei gizarte zibiletik erantzutea zaila da.

- Soilik merkatuari begira edo merkatutik bizi den sortzailetza duten diziplinek urrats txikiagoak eman dituzte.