EZ GAITUZTE KIKILDUKO!DETERMINAZIOZ AURRERA!

Agertu genuen gisan "Ezabatu eta euskaraz bizi!" kanpainan parte hartzeagatik Altsasuko EHEko bi kide epaitzeko ekinbidea abiatua du justizia-administrazio arrotzak.Orduan azpimarratu genuenez,errepresio kasuen salaketak borroka planteamenduak indartzera bideratuak izatea funtsezkoa da, hain zuzen errepresio horrekin lortu nahi dutena (euskaldunok kikiltzea) lortu beharrean euskaltzaleon mobilizazioaren biderkatzea jaso dezaten.

Epaiketak badu eguna,irailak 11 eta egun horretarako elkarretaratzea deitu du EHEk.Itziar,Haizea eta EHEko kidego guztiari babesik sutsuena eta sutsuki EUSKAL HERRIA EUSKALDUNTZERA!