-eN eta BAIT- menderagailuak

BAIT- menderagailua -eN menderagailuarekin batera aztertuko dugu, zeren erabilera berdina baitu izenordain eta adverbio relativoekin.

-eN menderagailua daramaten formak relativo arrunten modura erabili ahal dira Euskara Batuan bezala:

Musikariak etorri dira oso ongi kantatzen duen emakume polit batekin

Izenlagunen antzera -eN relativoa atzetik ere ezar daiteke:

Musikariak etorri dira emakume polit' oso ongi kantatzen duen batekin

-eN relativoa substantivatu ahal da artikulu eta erakusleekin. Kasu honetan atzetik ezartzen da beti:  

Musikariak etorri dira emakume polit batekin oso ongi kantatzen duena

Erabilera honetan BAIT- menderagailua agertu ahal da:  

Musikariak etorri dira emakume polit batekin oso ongi kantatzen baitu

Baina BAIT- menderagailua bakarrik agertzen zaigunean ez da zehazki jakiten zer esan nahi den. Izenordain eta adverbio relativoez zehaztu ahal dugu esan nahi duguna:

Musikariak etorri dira emakume polit batekin zeinek oso ongi kantatzen baitu

edo -eN menderagailuarekin:

Musikariak etorri dira emakume polit batekin zeinek oso ongi kantatzen duen

Izenordain eta adverbio relativoekin, zeinak ohi dugun bezala deklinatu ahal baitira, BAIT- edo -eN menderagailua kombinatzen ahal dira. Bestalde, kontutan hartu behar da, esana dugun bezala, ezen ETA juntagailuak balio emfatikoa edo indartua ematen diela, eta ERE juntagailuak balio orokortzailea. Banan-banan ikusiko ditugu.