HONDAR ALEAK

Itsas-belar luzaskak,

uhal urtarrak,

hondartza hegian

lotu gabe ahantzi dituzten olatuei artega begira,

gurasoa nerabearen aurrean ageri den eran.

Uhin kate bakoak,

libreegiak,

ur putzu zabalean

hondartzara ez beste edonora doaz

adrenalina bila.

Ez dakite beti eta denok amaitzen dugula hareatzan,

lehorraren eta bustiaren eskuematean,

ordurarteko ibilera guztiak anulatzen diren lekuan,

hondar ale bilakatzeko,

beste olatu errebelderen baten jostailu.