Pilota asteburua Anoetan

Su-Berri PKEk pilota asteburua antolatu du gaurtik igandera bitartean Anoetan, Valentziako Escola de Pilota Borbotórekin lankidetzan, pilota sustatzeko asmoz.

Hona hemen egitarauaren berri:

Ekainak 26, ostirala 

16:00-16:30. Escola de Pilota Borbotókoei harrera Iruran.

16:30-19:30. Borbotokoen artean 2 talde egin eta jokamolde hauek landuko dituzte: Trinketeko jokamoldeen hastapena: eskua, paleta eta xarea. Zesta-puntaren hastapena frontoian Iker Foronda puntista profesionalaren eskutik.

20:00. Afaria Irurako trinketean.

22:00. Neska pilotarien erakustaldi partidak Anoetako Alkartasuna frontoian.

Ekainak 27, larunbata: Pilota Festa Anoetan

10:00 - 13:00. Eskua eta raspall-aren hastapenak.

14:30. Anoetako frontoian paella jatea.

16:30-19:30. Borboto eta Anoetako pilotarien artean pilota partidak (eskupilota eta raspall).

19:45. Anoeta eta Borbotoko parte-hartzaileen artean opari banaketa.

Ondoren, pilotako opari sorta baten zozketa.

20:15. Valentziarren eskutik festa amaierako azken traka botako da.

Ekainak 28, igandea

11:00. Irungo Ramuntxo Berri trinketean jokoan den Trinketeko Emakumezkoen II. El Diario Vasco Sariko finalerdiak ikustera joango dira valentziarrak.

14:30.: Bazkaria Zarautzen.

Arratsaldean. Borbotokoak eskuko profesionalen partida ikustera joango dira Zarauzko Aritzbatalde pilotalekura.