Kalean da KANTXATIK!!!!

Dagoeneko kalean da ‘Kantxatik’, Gipuzkoako Euskal Pilota Federazioaren argitalpen berria. Euskara hutsean euskal pilotaren inguruan argitaratutako lehendabiziko aldizkaria da.

Hiruhilabetekaria izango da ‘Kantxatik’: urtero-denboraldiro lau zenbaki argitaratuko ditugu. Lehendabizikoa dagoeneko jaso dute harpidedunek; bigarrena, urtarrilean banatuko da; hirugarrena, apirilean eta laugarrena, berriz, uztailean.

20 orriko argitalpena da, dena koloretan. Hasiera batean, 1.000 aleko tirada izango du.

Harpidetza bidez banatuko da: 10 euro ordainduta, urtean lau zenbaki jasoko ditu harpidedunak zuzenean bere etxean.

Harpidedun egin nahi duenak hainbat bide ditu horretarako:

1. www.gipuzkoakoeuskalpilota.com webgunean dagoen harpidetza orria bete eta Gipuzkoako Euskal Pilota Federaziora bidali (Anoeta pasealekua, 5. Kirol Etxea. 20014-Donostia),
2. kantxatik@gmail.com helbide elektronikora mezu bat bidali norberaren datuak emateko.

Zalantzak argitzeko ere helbide elektronikora jo daiteke, edo 943 47 14 63 telefono zenbakira deitu.

Zorionak eta zorte on bide berrian!!!