Elkartasun eguna

Maiatzaren 26an ospatuko da Azpeitian VII. Elkartasun eguna, Elkartasunez, konponbidea, autodeterminazioa eta amnistia lemapean. Amnistiaren Aldeko Mugimenduak antiolatzen du urtero egun handi hori. Festa eta aldarrikapena uztartzen dituen eguna.

Egitaraua

11:00. 6 kilometroko Elkartasun Krosa. Azkeneko urteetako ibilbide bera izango du. Dortsalak ohiko lekuetan izango dira salgai. Aurrez 6 eurotan eta egunean bertan 8tan. Ondoren, hamaiketakoa eta herriko dendariek jarritako hainbat opariren zozketa.

12:00. Herri kirolak plazan. Azpeitiar gazte taldea, Azkoitia eta Zestoako gazteen aurka.

14:00. Herri bazkaria. Bazkarirako txartela aurrez ikasle eta langabetuentzat 10 eurotan, eta egunean 12tan. Langileentzat aurrez 15 eurotan eta egunean 18tan.

16:00. Umeen gunea Olazko Amaren plazan. Gaztelu puzgarriak eta herriko begiraleak.

17:30. Sokamuturra. Plazan.

19:00. Manifestazioa. Plazatik irtenda.

23:00. Kontzertuak. Habeas Corpus eta Oliba Gorriak taldeak, plazan.

Egun osoan erakusketak, txosna, batukada... egongo dira.