Lehen pausuak Arduino Uno-rekin

Proiektu txiki bat egiteko Arduino Uno izeneko plaka bat erosi genuen. Gure kasuan hurrengo hau, baina jatorrizko dendan eskuratzerik badago.

Lehen pausua: plaka ordenagailura lotzea:

Plaka ordenagailura lotu bezain laster, Windows-ek (nire kasuan Windows 7-k) zuzenean detektatzen eta beharrezko driverrak instalatzen ditu beheko irudian ageri den bezala:

Bigarren pausua: SWa instalatzea:

Plaka programatzen has gaitezen, lehendabizi Arduino programa jeitsi behar da jatorrizko web orritik.

Behin behar bezala instalatuta, ondorengo itxura du programak:

Bi gauza egiaztatu behar ditugu (nahiz eta programak automatikoki egiten dituen):

1.- Programak arduinoa detektatzen duela egiaztatu.

Horretararako menuaren bidez Tresnak-->Ataka atalera jo behar dugu eta bertan atakaren batean arduinoa detektatzen duela egiaztatu.

OHARRA: Bakoitzaren ataka desberdina izan daiteke. Ez du irudikoaren zenbaki bera izan beharrik.

2.- Gure plaka ondo ezagutu duela egiaztatu.

Hau egiaztatzeko, menuaren bidez Tresnak-->Plaka atalera jo behar dugu eta bertan gure arduino mota aukeratuta dagoela egiaztatu. Ez balego, aukeratu egokia.