Txantxikuren udalekuak Mendigorrian eta Piriniotan

                                                             Txantxiku Legazpian

Adunan ederki asko pasa zuten Txantxikutarrek eta asetu ez direnez planez gainezka heldu dira uda hasierara. Batetik ekainaren 17an Gamarrako igerilekuetara doaz uretan txipli-txapla ibiltzera.

Eta azken hiru urteetan bezala, udalekuak antolatuko dituzte uztailerako.  Gaztetxoenak Mendigorriara joango dira lehenengo hamabostaldian.  Astialdi Taldeko "iturriek" esan digutenez, 40 bat txantxikukume inguru abiatuko da Nafarroa erdialdera. Han Durangaldeko beste hainbatekin emango dute egonaldia, Berbaro Euskara Elkartearekin batera egingo baitu Txantxiku Astialdi Taldeak aurtengo udalekua.

                                                               Txantxiku Adunan

Bestalde, nagusienak bigarren hamabostaldian udaleku ibiltaria egingo dute Bidarrain hasi eta Izaban bukatuta. Aldatz gora eta behera ibiliko diren hauek ere Berbarokoekin biziko dute mendi zeharkaldia. Datorren urtean errepikatzen badute nekatu ez diren seinale!

                                                              Txantxiku Astialdi Taldea