Bisexualitatearen gainean zenbait gogoeta

    Duela aste pare bat izan zen , oker ez banago behintzta, gay, lesbiana, bisexual eta transexualen harrotasun eguna. HArrotasun egun hauen zentzugabekeria beste baterako utziz, bisexualitatean zentratu nahi nuke gaurkoan. Ni bisexuala naizelako, baina zu, irakurle, zu ere bai.

    Aspaldi entzun nion sexologo bati sexu jarrerak 1etik 10erako eskala batean sekula ez direla 1 edo 10; beti garela tarteko zerbait. Adibidez, voyeur-ak ez gara izango, baina gustuko dugu aldizkari pornoak edo bi erronbodun pelikulak ikustea. Edo , masokistak izan ez arren, momentu konkretu batean titipuntan atximurka egitea gustagarri suerta daiteke. Sexualitateari dagokionean ere, inor ez daiteke izan guztiz heterosexuala edo guztiz homosexuala.

    Jaiotzen garen unean guztiz bisexualak garela esan daiteke. Bizitzako hainbat gertakarik ordea, gure nortasuna moldeatzen duten bezala, gure sexu joera ere moldeatzen dute. Horregatik, komunikabide, familia, lagun, eliza ... en hitzek eragina dute gugan, eta homosexualitatea gauza negatinotzat hartzera bultzatzen gaituzte. Gerta daiteke baita ere, pertsona batek sexu bereko pertsonak gustuko dituela konturatzean beste sexukoekin harreman sexualak izateko beldurra sartzea, bere nortasuna ongi definitu asmoz edo. BAina, hau guztia onartuta ere, oraindik denok bisexualak izaten jarraitzen dugu.

   Bestalde, bisexualitate unibertsalaren onarpenak gizarte justuagoa egiten lagundu dezake. Homosexualen aurkako diskriminazioa desagertzeaz gain , sexuen arteko berdintasuna hurbilago izango genuke. IZan ere, orain arte gizarte patriarkalaren buruzagi izan denak, gizonezkoak, emakumea ez luke ikusiko objetu sexual soil gisa, gizonekiko atrakzio onartua izango lukeelako. Horrek asko lagundu dezake berdintasunaren bidean.

   Ni behintzat bisexuala naiz. Eta zu? Aurkakorik esan ezean zu ere bisexuala zarela pentsatzen jarraituko dut.