idazle eskola HATSA ELKARTEA 2010-09-18

KARMELE IGARTUA ENAREKIN HEGAN ETA AINARA HAU BEDEREN POETIKOKI BILUZIK

Atsegin handiz gonbidatzen zaitut 2010eko irailaren 18an, larunbatean, Senperera, egun pasa poetiko bat denok elkarrekin egin dezagun, eta ENAREN ARTETIK KARMELE IGARTUA IKUSTEKO.

Egun horretan nirekin nahi zaitut, eta nahi baduzu, lagunekin, familiarekin edo/eta amarekin etorri.

Zure erantzunaren zain.

655742924

Kaixo,
larunbatean (atzerapenarekin) arratsaldeko zazpietan lurrartu nuen Loiun, Karmele lagun poetaren hitzezko besarkadez inguraturik... goian bego!
...milesker, Karmele Igartua, eskerrik asko zure hitz guztiengatik. Asko lagundu didate distantzian zure hitzen besarkadek. Eta isiltasunak.
Uda joan da jadanik, enarek hegoalderako bidaia hasi baitute. Uste baino lehenago. Aurten udazkena abuztuan etorri da oporretan eta biluztu gaitu, biluztu zuhaitz berdeak orbela egitera utzi gabe....
.... berri onen bat nahi dut ene bihotzarentzat behingoz! nekaturik nago...

ZERUA EZ DA MUGA
eta maitasunak etengabe
segitzen du hegan
eta adiskidetasunak saltoka
segitzen du harritik harrira
oztopoz oztopo
eta elkartasunak
irrist egin du izotz grisaren gainean
hari ikusezin bat marraztuz.

ZERUA EZ DA MUGA
zure isiltasunean baitoaz
nire hitzok
eta elkar besarkatzen dugu
berriro ere distantzian
nire isiltasunean oroitzen baititut
zure hitzak:
"ainara ederra,
horixe opa dizut bihotzez,
gaur artekotik aurrerako bizitzan
besarkadia"
Karmele
06:05:54
2010-06-06